شەفەق نیوز/ هێرزی حەلێڤی، سەرۆک ئەرکان سوپای ئیسرائیل، ئمڕوو شەممە راگەیان کە هیزەیلیان خۆیان ئامادە کەن ئەرا گام پەلاماریگ لەناو لوبنان، یەیش لە چوارچیوەی پەرەسەنین جەنگ ناوەین حزبولڵا و ئیسرائیل.

 هالێڤی، لە  گەردینیگ لە جۆلان وت: سوپای ئیسرائیل کەفتیەسە فتراق رویوەڕویبوین حزبولڵا، و ئەو پەلامارەیلە لە ماوەی مانگ گوزەشتە دەسوەپی کردگە، و شمارەی ئەو ئەندامەیل حزبەگە کە کوشیانە فرە فرەس.

 هالێڤی وتیش: سوپای ئیسرائیل تەقەلا دەێد ئەو رخەیلە ەەردەم دانیشتگەیل ناوچەی باکوور و بەرزاییەیل جۆلان کەمەو بکەێد، و وەگەرد ئامادەکاری ئەرا پەلامار لە گامیگ دویاتر، وەبی ئەوەگ هویردەکاری زیاتر بخەێدە روی.

وەرجەیە، پەلامارە سەختەیل ئیسرائیل وەبان باشوور لوبنان نووەو کریا، کە میدیایل ئیسرائیل راگەیانن کە هیز ئاسمانی زنجیرەیگ شوین کردیەسە ئامانج کە شوین وەشیان مووشەک لە چەن ناوچەیگ باشووری لوبنان بویە، لەوانە بەیت لێڤ، عایتەرون، ئەلدەهیرە و کەفر کەلا.