شەفەق نيوز/ دەزگای فریاکەفتن ئیسرائیل، شەفەق ئمڕوو یەکشەممە، خەوەردا لە کەفتن 125 زەخمدار لە ئەنجام پەلامار ئیران.

دەزگاگە وتیش: سێ کەس کوشیانە و125 کەسیش زەخمدار بوین لە ئەنجام مووشەکەیل ئیران لە شارەیل بات يام ورحوفوت باشوور تەل ئەبیب.

میدیایەیل ئیسرائیل باس گیرهاتن کەسەیلیگ لەناو بینایەیل پەیمانگەی وايزمن ئەرا زانستەیل لە رحوفوت دویای پەلامار ئیران.

ئاژانس خەوەری فارس ئیرانی، شەفەق ئمڕوو، خەوەردا کە ئەو مووشەکەیلە کە لەی پەلامار دویاییە وەبان ئیسرائیل وەکار هاوریان وەناو "قاسم سەلەيمانی" بویە.

ئاژانسەگە وتیش: ئەو مووشەکەیلە بالیستی تەکتیتی بوینە و وە سزەمەنی رپ کار کەس و سەر تەقیان سەخت هەڵگردوێن.

ئیران لەناو ئۆپراسیۆن (پەیمان راسگوو 3) پەلامار مووشەکی نوویگ وەبان ئامانجەیلیگ لە ئیسرائیل جیوەجیی کرد.

دەزگای پەخشکردن ئیسرائیل راگەیان کە ئیسرائیل کەفتە وەر پەلاماریگ دوو لایەنی وە مووشەک ئیران و دڕون یەمەن، کە رەسینە چوار بینا لەلای کەمەو لە تەل ئەبیب، و هیزگردن ئاگر گەورەیگ لە  "بات يام" باشوور شارەگە.