شەفەق نیوز/ دەسەڵاتدارەیل فەرەنسا، ئمڕوو یەکشەممە، گیانلەدەسدان و زەخمداری زیاتر لە ٢٥٠ کەس لە دارستان و چەمەیل مایۆتی فەرەنسا راگەیانن، کە شەوەکی دویەکە شەممە، لەوەر زریان “چیدۆ” رميان و ويرانکاریی فراوانیگ رەسیە ئەو دارستان و چەمەیلە.

 وەقسەی برۆنۆ ڕۆتایۆ، وەزیر ناوخۆی فەرەنسا، حکومەت 110 هیز ئەمنی و ئاگرکپەوکردن کۆلۆن وەرین وڵاتەگە کە کەفێدە ناوەین ماداگاسکار و هشکایی ئەفریقا و 140 هیز ترەکیش کلکەێد.

 زریان "چیدۆ" کە شەوەکی رووژ شەممە رەسیە دارستان و چەمەیل مایۆتی فەرەنسا لە زەریای هیندی، لەلای کەمەو 14 کەس کوشت و وەگورەی سەرچەوەیگ ئەمنی، دویای توومارکردن زیانیگ فرە گەورە، رەوش ئەوپەڕی ئامادەباشی ڕاگەیەنیا.

 عەبدولواحید سومایلا، سەرۆک شارەوانی مەمودزوو کە گەورەترین دارستان و چەمەیلە راگەیان کە نۆ کەس وە سەختی زەخمدار بوینە و ئەرا  سەنتەر خەسەخانەی مایۆت کلکریانە، و ٢٤٦ کەسیش وەشیوەیگ مامناوەند زەخمدار بوین.

 لە گەڕەک کاوینی، لە پایتەخت مامودزو، وەقسەی مونیرا، گەورەترین خەڵک نەدار  فەرەنسی هاناوی، وت:"گشت چشتیگ ویران بویە".

 فڕۆکەخانەگە تا ئاگادارکردنیگ ترەک بەسیاس، وەگورەی کەشناسی فەرەنسا، تونی وا رەسیە 226 کیلۆمەتر لە ساعەتیگ، و دامەزراوەگە کەفتە وەرزیانیگ گەورە، وەتایبەتی تاوەر کۆنترۆڵ، وەگورەی پۆستیگ لەبان “X” ” وەلایەن وەزیر گواستنەوە لە حکومەت دەسلەکارکیشیای فەرەنسا، فرانسوا دوفرێت.

 لە پۆستەگە وتیش "فڕۆکە فریاگوزارییە سەربازییەیل وە پلەی یەکەم کاروان ئاسمانی ئەنجام دەن و کەشتییەیل بەشدار بوون لە دابینکردن خوازینەیل."

  ئەو وای تون بویە هوکار بڕیان کارەبا، ستوینەیل رمیان و دارەیل لە ریشەو دەرچگن و قەواسەی ماڵەیل هەڵکەنیان.

 لە شار ئۆوانگانی، سەرۆک شارەوانی یوسف ئەمبدی وت: رخی لە "بەدتر لەیە چوود کە نیەتوەنن بچینە دەیشت و ئەوەگ دوینن لە لەباسکردن گەورەترە".

 لە شەوەکی زوی دەسەڵاتدارەیل هوشدارییگ وەنەوشەیی دەرکردنە کە بایەسە  گشت دانیشتگەیل لە ماڵ بمینن و نەچنە دەیشتر خزمەتگوزارییە فریاگوزاری و ئەمنییەیل و گشت کارمەنەیل فریاگوزارییشەو.

 دەسەڵات کەشناسی فەرەنسا مەزەنەی "واران فرە رفتیگ کەێد وەگەرد رخداری لافاو و شەپوول بەرز دەریا کە هاتێ کاریگەری گەورەیگ لەبان کەناراوەیل داشتوود".

 کەشناسی فەرەنسی مەزەنەی خاسەوبوین رەوش کەشوهەوا مەوقەی رووژ کەن.