شەفەق نیوز/ زیاتر لە نیم ملیۆن کەس لە ئیرلەندا، ئمڕوو جمعە، لە وزەی کارەبا بیبەش بوین، کە زریان "ئیوين"  وەگەرد وا وەتونی 183 کیلۆمەتر لە ساعەتیگ لە کناراو خوەرئاوای وڵات هەڵکرد.

ئێرلەندا کە شمارەی دانیشتگەیلی رەسێدە 5,4 ملیۆن کەس، کەفتە ئاگاداری بەرزیگ لەوەر وای تون، هەکاتی ئیرلەندای باکوور و بەشیگ لە ئۆسکوتلاندا، و دەسەڵاتەیل داوا لە مەردم کردن لەناو ماڵ بمینن.

لە شەوەکی ئمڕوو جمعە، ئەو وا هەڵکرد کە تونیەگەی لە سەد کیلۆمەتر لە ساعەتیگ زیاترە، و کەشناسی نیشتمانی وت: توومارکردن تونی واگە رەسیە شمارەیگ پەیمانەیی کە لە ساڵ  1945 تا ئیسە لە وینەی نەویە، کە لە ساعەت پەنج وە وەخت گرینتش  رەسیە 183 کیلۆمەتر لە ساعەتیگ نزیک گالاوی.

هەر لەو ناوچە، ریژەی پەیمانەیی تونی وا شکست وەگەرد 135 کیلۆمەتر لە ساعەتیگ، کە وەگورەی تونی گەردەلویلە، و بویە هوکار شیواشیو گەورەیگ لە هامشوو و زیاتر لە نیم ملیۆن ئیرلەندی لە کارەبا بیبەش بوین.

کۆمپانیای وەکارخستن تووڕ کارەبا "ئي ئەس بی" دیاری کرد کە: "دامەزراوەیل کارەبا کەفتنە وەر زەرەدەیل فراوان و گەزرە وەگەرد پەککەفتن رەسێد  560 هەزار کەس لە ساعەت شەش وە وەخت گرینتش".

ئاگاداری سوور لە وای تون لە ساعەت هەفتەو وە وەخت گرینتش چەسپیا، کە یە یەکەم جارە ئی ئاگاداریە لە ناوچەگە وەکار باێد.

مەزەنە کریەێد زریان ئیوین بڕەسێدە ئوسکوتلاندا کە لە سەت شوینیگ ئاگاداری سوور خریا کار.