شەفەق نیوز/ کۆمپانیای کڕەیل ئاسمانی نەمسا، وت: فڕۆکەیگس کەفتە وەر زەرەد گەورەیگ لەوەر تەگر، کە بەشیگ لە لویت فڕۆکەگە شکان.
کۆمپانیاگە لە بەیاننامەیگ وت: کاروانەگەی لە باڵما دی کایورکا لە ئیسپانیا وەرەو ڤیێنا لە نەمسا باڵ گریاد، هەنای تەگەر سەختیگ پەنجەرەی کابینەی کاپتنەیل و بەشیگ لە رویەگە شکان.
ئیمیای ئۆکلی، ژنیگە لەناو کاروانەگە بوی، وت: مەزەنە کەم وەدویری ٢٠ خولەک لە نیشتنەوە بویمن، هەنای چگیمنە ناو ئەوریگ لە تەگر و تریشقە.
فڕۆکەی ئایرباس ئێ ٣٢٠، وەناو ئەوریگ تەگر رەد بوی، کە وەڕادار دیار نەوی، ئیجا هاوار هاناڕەسین کلکریا.
ئۆکلی وتیش: لەناو زریانەگە مۆبایل و لیوانەیل ناو فڕۆکەکە هەڵسیان وەرەو بان.
وتیش: نەزانستیمن کە لویت فڕۆکەگە کەفتیە تا وەختیگ لەناوی داوەزیایمن، کاپتنەیل کار خاسیگ کردن لە مقیەتیکردن کاروانەگە.
فڕۆکەگە وە بیوەی لە فڕۆکەخانەی ڤیێنا- شفیشات نیشتەو، و کەسیگ تویش زەخمداری نەهات.