شەفەق نیوز/ پسپۆڕەیلیگ پزشکی مەزەنە کردن ک ئۆمیکرۆن بوودە دەسکردنیگ وە کۆتاییهاوردن کۆڕۆنا، تا بوودە جۊر هەڵامەت سەردی ئاسایی.
مایک تیلدسلی، ئەندام کۆمەڵەی زانستی نموونەکردن ئەنفلەوەنزای پەتایی لە زانکۆی وارویک باس گلەوخواردن ژیانەگە ئەرا سرووشت خوەی وەی نزێکە کرد، وتیش: بەرزەوبۊین تۊیشهاتن وە کۆرۆنا و ئۆمیکرۆن نشانەیگە ئەرا نزیکبۊن کۆتایی پەتاگە.
تیلدسلی وتیش: وەی نزیکە ئاڵشتبۊیەیلیگ لە کۆرۆنا سووکتر پەیا بوون، و لە ئایندە کۆڤید-١٩ بوودە بیماری سووکیگ. وتیش: ڤایرۆسەگە ئەوەسا بوودە ئەو ئەنفلەوەنزا ک یە چەن ساڵەیل درۊژیگە وەگەردمان هەسەی.