شەفەق نیوز- زاگڕۆس وەێ هەمگەێ ئاو و خاک و هەوای خاسە وەرد ئی هەمگەێ مەڵوەن و نەفت و گاز و دارسانە، وە خاتر سەنعەتی نەکریان و کار و زنەیی نەداشتن، دیرێ چووڵەو دبێ و موهاجرەت لەێ ئوستانەێلە وەر ئەو نام‌ڕاس ئێران، یانێ ئوستانەێل تێهران و ئەڵبورز رووژ وە رووژدیرێ فرەترەو دبێ.

خوزستان، لوڕستان ئوو کرماشان سێ ئوستان دەوڵەمەن کورد و لوڕ و عەراونشینن دە رووژئاوای ئێران ک ئوستانوەندەێلە‌یان پەسا دهیلنەیانە جییەو و لەو لاویش سێ ئوستان تێهران و ئەڵبورز و یەزد، جیەێلێگن ک فرە لە موهاجرەێلە دیرن دچن وەورەێلە.

یەزد و سمنان و قۆم و ئسفەهان و کرمان، دە نام‌ڕاس ئێران، وە بێ‌سنوور و وە بێ‌مەڵوەن و ئاو و خاک، چوون سەنعەتییەو بینە، فرە دەوڵەمەنن و موهاجرخوازەو بینە.