شەفەق نیوزــ تۆکیۆ

ئاژانس کەشناسی ژاپۆنی، ئمڕوو سێشەممە، راگەیان رەویلەرزەیگ وە هاز 6.1 پلە لەبان پەیمانەی رێختەر دایەس لە پارێزگای "هۆکایدۆ" لە باکوور ژاپۆن وەبی ئەوەی زەرد سەختیگ برەسێد یا کەلەمەداری بوود.

ئاژانسەگە دیاریکرد، ناوەن لەرزەگە کەفێدە دویری نزیکەی 1000کیلومەتر لە باکوور تۆکیۆ، لە قویلی کناراوەیل باشوور خوەرهەڵات نیمەدورگەی (نیمورو) رویدایە.

ئاشکرایکرد، هویچ تەمیگ لە رویدان شەپولەیل درویژ مەودا (تسۆنامی) نییە وە مدوو زەویلەرزەگەو.