شەفەق نیوز ـ فلیپین

پەیمانگای فلیپینی ئەرا زانست گڕکان و زەویلەرزە، ئمڕوو چوارشەممە، خەوەردا زەویلەرزەیگ وە هاز 5.5 لەبان پەیمانەی رێختەر دا لە کناراوەیل  کەرت "دافاو ئەوکسیدنتال" وەبی ئەوەگ خەوەریگ دەسوەجی بڕەسێد لە قوربانی یا زەردیل مادی رویداوەگە.

وەپای راگەیان کەنال "ئەی بی ئێس ـ سی بی ئێن" فلیپینی پەیمانگاگە خەوەردا، ناوەن زەویلەرزەگە نزیکەی 9 کیلومەتر لە خوەرئاوای دورگەی "بالوت" بوی لە قویلی 10کیلومەتر.

لەهەمان وەخت، هووشداریدا  لە ئەگەر رویدان پاشلەرزە لەدویای زەویلەرزەگە.

زەویلەرزە لە فلیپین  وەشیوەی نیمەرووژانە دوارەوبوود، وە مدوو ئەوەگ کەفێدە بان قاویش ئاگرین لە زەریای هێمن، کە ناوچەیگ گورجە لە زەیلەرزە و گڕکان.