شەفەق نیوزـ پاکستان

زەویلەرزەیگ وە هاز  5.5 پلە، ئمڕوو یەکشەممە، دا لەناوڕاس پاکستان، وەپای راگەیانن دەسەی جیلۆجی ئەمریکی.

 هویچ راپۆرتیگ دەسوەجی لە زەخمداری و زەردەیل زەویلەرزەگە توومارنەکریاس، سەرچەوە ئەمریکیەگە خەوەردا نزیکەی سەعات  3:30 شەوەکی رویدا، ناوەنەگەی لە دویری  نزیکەی  60 کیلومەتر لە باکوور خوەرهەڵات شار برخان لە هەرێم بلوچستان پاکستان بوی.

پاکستان وە درویژایی یەکگردن  چینەیل تەکتۆنیکی هیندستان و ئۆراسیایە، یەیش بویەسە مدوو تویشهاتن وە زەویلەرزە.