شەفەق نیوز/ دەسەڵاتەیل نیوزلاند، ئمڕوو چوارشەممە، راگەیانن کە زەویلەرزەیگ وەتونەی ٦.٢ پلە دا لە کناراوەیل باشوور وڵاتەگە.
لە پۆستیگ لەبان سایت ئەلیکترۆنیی، ناوەند وەشکین زەویلەرزەی نیوزلەندی وت: زەویلەرزەگە لە ساعەت ٩:١٤ وە وەخت وڵاتەگە بویە، وەدویری ١٢٤ کێلومەتر وەرەو خوەرئاوای شار کرایستشییش وەقویلی ١١ کێلومەتر.
دیاری کرد کە نزیکە ١٥ هەزار کەس وتنە کە هەس وە لەرزەگە کردن.
هەرلیوا، و هویچ زەرەدەیگ گیانی یا دارایی لە ئەنجام زەویلەرزەگە توومار نەکریا.
نیوزلاند کەفێدە بان ئەڵقەی ئاگر لە زەریای ئارام، کە پارچەیل تەکتۆنی جویلە کەن، و لەلیان زەویلەرزە و گڕکان دروس بوود.