شەفەق نیوز/ دەزگای رەوانگەی جیۆلۆجی ئەمریکا راگەیان زەویلەرزەیگ وە هاز ٧،١ پلە دالە نزیک دولۆریس لە فلیپین، ئمڕوو چوارشەممە، و خەڵکەگە لە مانیلای پایتەخت وەتونی هەس وەپی کردن. دەزگاگە وتیش: زەویلەرزەگە وە قویلی ١٠ کیلومەتر بوی.
دەزگا ئەمریکیەگە وتیش: سەنتەر زەویلەرزەگە وە دویری ١١ کیلومەتر باشوور خوەرهەڵات دولۆریس بوی.
دانیشتگەیل مانیلای پایتەخت، وە دویری زیاتر لە ٤٠٠ کیلومەتر هەس وە لەرزەگە کردن، و کریکار و دانیشتگەیل لەناو بینایلە دەرچگن ولەناو جادە گردەو بوین.
لەلای خوەییش، دەسەڵات ناوخوەیی فلیپین خەوەردا لە وسیان جویلەی قەتار ومیتڕۆ لە مانیلای پایتەخت دوایی ئەو زەویلەرزەی وەهیزە.