شەفەق نیوز/ ئەنجومەن سەربازی لەمیانمار، ئمڕوو شەممە، راگەیان ئامار زەویلەرزە تونەگە ئەرا  1644 قوربانی و3408 زەخمدار بەرزەوبوی.

نویسینگەی ئەنجومەنەگە لە بەیاننامەیگ راگەیان، وەلای کەمەو 139 تا ئیسە بی سەروشوینن لە دویای زەویلەزەگەی دویەکە جومعە کە تونیەگەی رەسیە  7,7 پلە.

خوەرئاوای شار ساغاینغ لەناوڕاس شار میانمار دویەکە دویای  نیمەڕوو جومعە رویوەروی زەویلەرزەیگ رووکەشی بوی، لەدویای چەن خولەکیگ زەویلەرزەیگ وە هاز  6,7 پلە هەمان ناوچە لەرزان

 زەویلەرزەگە بویە مدوو رمیان بینا و پیەڵ و ریگەوبانەیل لە میانمار و ویرانکردن گەپیگ لە ماندالای، و لە  دویەم شار گەورە بورما کە شمارەی دانشتگەیلی رەسێد ئەرا زیاتر لە1,7 ملیۆن کەس.