شەفەق نيوز/ میدیایەیل ئیرانی، شەو یەکشەممە/ دووشەممە، خەوەردان لە زەویلەرزەی سووکیگ لە دەورگرد شار قوم، مە وەگەرد ڕاپۆرتەیلیگ ئیسرائیلی تیەێد لە گورزیگ ئاسمانی وەبان دامەزراو ئەتۆمی "فوردو" لەژیر زەوی نزیک شارەگە.

دەسەڵاتەیل ئیران تا ئیسە هیچ دووپاتکردنیگ فەرمی لەبان سروشت ئەو تەقینەوە یا زەویلەرزە دەرنەکردنە، کە ئایا زەویلەرزە بویە یا لە ئەنجام ئەو پەلامار ئاسمانی ئیسرائیلە بویە.

روانگەی زەویلەرزەی ئیران وت: زەویلەرزەگەی قوم رەسیە 2.5 پلە لەبان پەیمانەی ریختەر، و هیچ زەرەدیگ لەلی نەویەسەو، وەلێ وەخت و شوینەگە وەگەرد گورز ئیسرائیل هات.

 دامەزراو ئەتۆمی فوردو یەکیگە لە قایمترین شوینەیل ئەتۆمی لە ئیران، کە دەیان مەتر لە ژیر کویەیگ سەنگی نریاس.