شەفەق نیوز/ ناوەند زەویلەرزەناسی نیشتمانی سوریا، توومارکردن ١٧ زەویلەرزەی سووک وەماوەی ٢٤ ساعەت گوزەشتە لە باکوور وڵاتەگە، و لە تەرتوس خوەرئاوای وڵاتەگە، و حمس ناوڕاسی راگەیان.
ناوەندەگە وت: تووڕەیل رەوانگەکردن زەویلەرزە تا ساعەت ٧:١١ شەوەکی ئمڕوو ٩ زەویلەرزە لە لیوای ئیسکەندەرۆن توومار کردگە، تونیەگەی لە ١.٦ تا ٢.٤ پلە لەبان پەیمانەی ریختەر بویە، و ٦ زەویلەرزە لە تورکیا تونیەگەی ناوبەین ٢.٠ و ٣.٠ پلە بویە.
وتیش: زەویلەرزەیگ وە ٤٣ کێلومەتر خوەرئاوای تەرتوس وە تونی ٢.٢ پلە لەبان پەیمانەی ریختەر توومار کردگە، وەگەرد زەویلەرزەیگ خوەرئاوای حمس وە ٢٩ کێلومەتر.