شەفق نيوز- نيکۆسيا

زەویلەرزەیگ وەتونی 5.3 پلە لەبان پەیمانەی ریختەر، ئمڕوو چوارشەممە، داد لە دەوڵەت قوبرس، و خەڵک کناراو لوبنان لە تەکان سووکیگ ئاگادار بوین.

ناوەند ئەوروپی ناوڕاس ئەرا روانگەکردن زەویلەرزەیل وت: زەویلەرزەگە وەدویری نزیکەی 20 کیلۆمەتر لە باکوور خوەرهەڵات چار بافۆس شەوەکی ئمڕوو توومار کریا.

وتیش: زەویلەرزەگە لە ساعەت 11:31 وە وەخت وڵاتەگە رویدا، و رەسیە 5.3 پلە لەبان پەیمانەی ریختەر.