وەزارەتەگە لە بەیاننامەیگ ئمڕوو سێشەممە وت: ٤٤ کەس لە ئەلماتا داوای دەسمیەتی پزشکی کردن لەوەر زەخمەیلیان، و ٣ لەلیان ئەرا خەسەخانە بریان.

نویسینگەی رووژنامەوانی وەزارەت فریاکەفتن کازاخستان وت: مەزەنەی لەرزەیلیگ تەکانی لە ئەلماتا لەی رووژەیلە نییە. 

ناوەند وەڕیەوبردن کارەسات وت: مەزەنەی زەویلەرزەیگ لە ٧ پلە ئەویان لەی رووژەیلە نییە.

زەویلەرزەیگ وەتونی ٦.٧ پلە لەبان پەیمانەی ریختەر دویەشەو لەبان سنوور کازاخستان  قرغیزستان بوی وەدویری ٢٦٤ کێلومەتر وەرەو باشوور خوەرھەڵات ئەلماتا.

 لە وڵات چین، ئاژانس شینجیانگ جیباو خەوەردا لە زەخمداری ٦ کەی خەڵک شار شینجیانگ لە ئەنجام زەویلەرزەیگ وەتونی ٧.١ پلە کە دویەشەو داد لە باکوور خوەرئاوای وڵات چین.

سەرچەوەیل ناوخوەیی وتن: سەنتەر زەویلەرزەگە وەقویلی ٢٢ کێلومەتر بویە.

تا ساعەت ٠٨:٢٠ وە وەخت وڵاتەگە زانایل زەویلەرزە ٤٣ لەرزەی تەکانی لە ٣ تا ٥.٣ پلە توومار کردن.

وەگورەی زانیاریەیل، زەویلەرزەگە بویە هوکار زەخمداری دوو کەس وە زەخمەیل سەختیگ، و ٤ ترەکیش وە زەخمەیل سووک، و ٥٧ ماڵ رمیا وە٧٨ ماڵیش زەرەد وەپییان رەسیە.