شەفەق نيوز/ زەویلەرزەیگ هاز ناوڕاسی داد لە یەکیگ لە شارەیل مەغریب، نیمەڕو ئمڕوو جمعە، و نیەگرانی خستە ناو مەردم وەبی توومارکردن زەرەد دارایی و مرۆیی

 وەگورەی داتایەیل روانگەی زەویلەرزە، هاز زەویلەرزەگە رەسیە 4.5 پلە لەبان پەیمانەی ریختەر وەقویلی 23 کیلۆمەتر، لە ساعەت 12:16 نیمەڕو وە وەخت وڵاتەگە.

دانیشتگەیل لە ناوچەی سیدی عەبو نزیک ناوچەی رومانی لە هەرێم خەمیسات لە لەرزەگە ئاگادار بوین، وەگورەی میدیایل مەغریب، کە لەرزەگە لەناو ماڵەیل ئاشکرا بویە، وەلێ هویچ زەرەدیگ لەلی نەکەفتیەسەو، وەگورەی زانیارییەیل سەرەتایی.

 ئەو ناوچە کە کەفتە کاریگەری لەرزەگە لە پارچەی ریبات - سلا - قونەیتەرە بوی، کە وەرجەیە زەویلەرزەیل جیاجیا لە ماوەی ساڵەیل گوزەشتە توومار کردنە، وەلێ فرەیان سووک یا ناوڕاس بوینە.