شەفەق نیوز/ وەڕیەوبەرایەتی ئاسایش ناوچەی مورج خوەرهەڵات لیبیا، ئمڕوو سێشەممە، توومارکردن زەویلەرزەیگ راگەیان کە خەڵک شارەگە لەلی ئاگادار بوین.
وەڕیەوبەرایەتیەگە لە بەیاننامەیگ وت: هویچ زەخمداری و زەرەدیگ لەی زەویلەرزە توومار نەکریاس، کە لە ساعەت 9:33 شەوەکی رویدا.
ماڵپەڕەیل لیبیا لەبان سۆشیال میدیا خەوەر زەویلەرزەگە بڵاو کردن، و رەخنە لە لایەنەیل پەیوەندیدار کردن کە نیەتوەنن بزانن تونی زەویلەرزەگە چەنیگ بویە، و نیەزانن شوینی لە کوو بویە و قویلایی چەنیگ بویە.
جی باسە کە ئی شارە لە ساڵ 1963 زەویلەرزەیگ وەتوتی 5.3 پلە لەبان پەیمانەی ریختەر وەخوەی دی، و 243 کەس لەلی بویە قوربانی.