شەفەق نیوز- ئەدەنە

زەویلەرزەیگ وە تونی 5 پلە داد لە قەزای سائم بێلی لە ویلایەت ئەدەنە لە باشوور تورکیا، ئمڕوو دوشەممە، و دانیشتگەیل شمارەیگ لە ویلایەتە هاوسایەیل لەلی ئاگادار بوینە بێ ئەوەگ هیچ زەرەدیگ تا ئیسە تومار بکریەێد.

 وەپەی داتایەیل وەڕێوەبەرایەتی کارەسات و رەوشەیل لەناکاو تورکی "ئافاد"، زەویلەرزەگە لە سەعات 04:02 وە وەخت تورکیا (کە خود وەختەگەس لە عراق) رۊ دایە، و قۊلییەکەی رەسیەسە 7 کیلۆمەتر، و دانیشتگەیل ویلایەتەیل قەهرەمان مەرعەش و عوسمانییە و قەیسەری و غازی عەنتاب هەست وە لەرزەگە کردنە.

وەپەی "ئافاد" تا ئیسە، هیچ رەوشیگ نەرێنی تومار نەکرییاس، وەگەرد وەردەوامبۊن کارەیل وەشکین مەیدانی ئەرا پشتڕاسەوبۊن لە شوینەوارەیل زەویلەرزەگە.

 زانای بومەلەرزەیل تورکی عوسمان بێکتاش، وەرجەتر هوشداری داۊد لە زیایبۊن چالاکی زەویلەرزەیی لە دەریای مەڕمەڕە، کە لەی دۊایە زەویلەرزەیل زەوی لاوازیگ تومار کریانە، و زانایەیل ئەگەر رۊداین زەویلەرزەیگ کە تونییەگەی لە 7 پلە رەد بکەێد لە ناوچەی ئیستەنبوڵ دۊر نییەخەن.