شەفەق نیوز/ دەسەی زانیاری جیۆسپەیشەڵی ژاپۆنی رایگەیان، "زەویلەرزە تونەگەی دویەکە لە پارێزگای ئیشیکاوای، ناوچەی نۆتۆ نزیک لە ناوەن زەویلەرزەگە 1.3 مەتر زەوی وەرەو خوەرئاوا جویلانیە.
وەپای شیکارەیل دەسەی زانیاری جیۆسپەیشەڵ ژاپۆنی لە سیستەم جەهانی (GPS) وەریگردیە ئویشد، "شمارە سەرەتایەیل دیاریکەن خاڵ چەودێری لە شار واجیما لە پارێزگای ئیشیکاوا گەورەترین جویلەی زەوی وەخوەیەو دیە، وەگوڕەی ئەوەی وەشیوەی ئاسۆیی ئەرا مەودای نزیکەی 1.3 مەتر وەرەو خۆەرئاوا جویلیاگە".
دووپاتکردنە، "جویلەی زەوی وەرەو خوەرئاوا وە نزیکەی یەک مەتر لە شارۆچکەی ئانامیزو و 80 سانتیمەتر لە شار سوزودا دیرێد، هەمیش خاڵیگ چەودێری لە شار نۆتۆجیما لە شار ناناو وە دویری 60 سانتیمەتر وەرەو باکوور خوەرئاوا کەنارەیل دەریای ژاپۆن جیلیاگە".
وەرد دەسوەپیکردن ساڵ نوو زەویلەرزەیگ وە هاز 7.6 لە ژاپۆن رویدا، حکومەت ئەو وڵاتە راگەیان وە مدوو زەویلەرزەگە 48 کەس گیان لەەسدانە و زەرەد فرەیگ وە چەنیدن ناوچە کەفتیە.