شەفەق نیوز/ دادگای نەتەوە یەکگرتگەیل تایبەت وە لوبنان، ئمڕوو پەنجشەممە، فەرمان وەبی ئامادەبوین وە زیندانی هەتایی لەبان دوو ئەندام حزبولڵا دەرکرد، لە کوشتن ٢٢ کەس لە پەلامار ساڵ ٢٠٠٥ ک رەفیق حەریری سەرۆک وەزیرەیل وەرین لوبنان لەناویان بوی. 

ئیڤانا هەردلیکوڤا سەرۆک دادگاگە وت: ژوور دادگاگە وەگشتی بڕیار زیندانی هەتاهەتایی لەبان حەبیب مەرعی و حسێن عنیسی دا.   جی باسە ک یە بەرزترین سزاس لەلای سیستەم و ریسگایل دادگاگە.     

حەریری دویای جەنگ ناوخوەیی (١٩٧٥ – ١٩٩٠ ) پەنج گلە پۆست سەرۆک وەزیرەیل لوبنان وەرگرد، ک خوەی ملیاردێریگە لە کەرت کەرەستە کار کردیاد.  

لە ١٤ی شوبات ٢٠٠٥، حەریری سوار ماشینەگەی بوی، دویای سەردان "کافێە ئیتوال" لە شان ئەنجومەن نوینەرەیل ک خوەی لەناوی ئەندام بوی. 

هەنای کاروانەگەی لەبان کۆرنیش رەد بوی، ماشینیگ بارهەڵگر تەقیە شان ماشینەگەی، وچاڵ گەپیگ دروس کرد، وروی بینایل دەورگرد ئەو شوینە ویران کرد. 

٢١ کەس، و حەریری وەگەردیان، لەو تەقینەوە گیانیان لەدەسدان.