شەفەق نیوز/ زیمبابۆی لە کۆتایی مانگ گوزەشتە تا ئیسە 100 مردن گومانلیکریاگ وە بیماری کۆلێرا توومار کردیە، و زیاتر لە 5 هەزار بیمار ئەگەر تووشبوین وە کۆلێرا، یەیش هیشت حکومەت کەرەنتین ئەرا وسانن بڵاوبوین بیماریەگە بچەسپنێد، لەوانە سنووردارکردن شمارەی پرسە و وسانن بڕیگ گردەوبوین کۆمەڵایەتی.
وەزارەت تەندروسی شمارەی مردنەیل لە رووژ چوارشەممەی گوزەشتە راگەیان کە وەشکین تاقیگەیی 30 مردن وە کۆلێراوە چەسپانیە.
وتیش؛ 905 بیمار توومار کریایە، بیجگە لە چوار هەزار و 609 بیمار گومانی.