شەفەق نیوز/ ڤۆلۆدیمیر زێلێنسکی سەرۆک ئۆکرانیا لە چەوپیکەفتنیگ لە پەراوێز کۆنفرانس ئاسایش میونشن راگەیان کە وڵاتەگەی تەنیا "چانس کەمی بەرگەگردن" هیزەیل رووسیا دیرێد کە لە خوەرهەڵات ئۆکرانیا جەنگ کەن، وەبی پشتیوانی سەربازی لەلایەن ئەمریکاو.
زێلێنسکی لە دیداریگ وەرد کەناڵ ئێن بی سی نیوز وت: ئیمە چانس کەمیگ دیریمن ئەرا مەنین وەبی پشتگیری ئەمریکا.
زێلێنسکی لە پەراوێز کۆنفرانس ئاسایش میونشن لە بەرنامەی "دیدار رووژنامەوانی" کەناڵ ئێن بی سی نیوز وت: "وە بیگومان لە گشت رەوشە سەختەیل، چانسیگ هەس، بەڵام ئیمە چانسمان نیەمینێد ئەرا مەنین وەبی پشتگیری ئەمریکا، باوەڕ کەم یە فرە گرنگ و چارەنویسسازە".
زێلێنسکی وتیش “نیەخوازم هویرەو بکەم” لە جەنگ دژ رووسیا وەبی پشتگیریکردن ئەمریکا، “نیەخوازم هویر لەوە بکەمەو کە ئیمە هاوبەش ستراتیژی نەویمن.”
زێلێنسکی وتیش: ڤلادیمێر پوتین سەرۆک رووسیا خوازێد لەبان مێز دانوسەنین بنیشێد نەک کۆتایی وە جەنگ بارێد، وەلێ رەسین وە ڕێککەفتن ئاگربەسی کە بەشیگ لە سزا ناودەوڵەتییەیل وەبان رووسیا هەڵگرێد و ری وە سوپاگەی بەێد دووارە خوەی پڕەو بکەێد.
زێلێنسکی وتیش: یە ئەوەسە کە وەڕاسی ئەو خوازێد، خوازێد بوەسێدەو، ئامادەکاری بکەێد، مەشق بکەێد، بڕیگ سزا هەڵوەشێد لە ژیر ئاگربەسەگە و هەرلیوا.