شەفەق نیوز/ ڤۆلۆدیمیر زێلێنسکی، سەرۆک ئۆکرانیا ئمڕوو یەکشەممە، لەدەسدان شار بەخموت وە هیزەیل رووسیا راگەیان، ک وت: "هویچ چشتیگ لەلی نەمەنیە" .
یەیش لە وەڵام پرسیاریگ ڕووژنامەنووسەیل بوی تا بزانن ئایا هیزەیل ئۆکرانیا هیمان وەرخودان کەن یا رووسیا دەس ناسە بان شارەگە.
زێلێنسکی هەڵوێستیگ ئاشکرا نەخستەروی، باوجی وت: بایەتە ئەوە بفامیمن ک هویچ چشتیگ لەورا نەمەنیە، وتیش: "ئمڕوو بەخموت تەنیا لەناو دڵمان مەنیە".