شەفەق نیوز ـ کییڤ
سەرۆک ئۆکرانیا فولۆدیمیر زێلێنسکی، ئمڕوو یەکشەممە، پەلامارەگەی کۆتا شەو روسیا وەبان وڵاتەگە وە "پەلاماریگ ئالۆز" وەسفکرد، و دووپاتکرد ئۆکرانیەیل لە حاڵەتیگ دڵڕەواکێ زندگی کەن.
زێلێنسی لە بەیانیگ رووژنامەوانی وت؛ "دویەشەو یەکیگ بویە لە شەوەیل فرە رخبەر ئەرا ئۆکرانیەل، لە ئەنجام ئەوەگ هێزەیل روسیا 477 فرۆکەی بیفرۆکەوان و 60 مووشەک وەکارهاوردنە" وەبی ئەوەگ هویردەکاری زیاتر لە زەرد و یا قوربانیەیل بخەێدەروی.
لە 24 شوبات 2022 جەنگ لەناوەین روسی و ئۆکرانەسل دروسبوی، دویای ئەوەگ هێزەیل رووسیا هاتنە ناو ئۆکرانیا، یەیش وە مدوو گرژیەیل درویخایەن لەبان فراانبوین ناتۆ وەرەو خوەرهەڵات.