شەفەق نیوز - پەنەما

میدیا ناوخۆییەیل، ئمڕوو شەممە، خەوەردان لە رۊداین زەۊلەرزەیگ نوو لە پەنەما کە تۊنییەگەی رەسیە نزیکەی 6 پلە لەبان پەیمانەی رێختەر.

 زەۊلەرزەیگ تون ئیوارەی دۊەکە جمعە دا لە پەنەما، کە "دەسەی رووپێوی جیۆلۆجی" ئەمریکی تونییەگەی وە 7.6 پلە مەزەنە کرد، ئەو کارە کە رخ و لەرز خستە ناو پایتەخت وەرد دەرکردن هوشیاری لە رۊداین شەپۆلەیل تسۆنامی.

 هاز زەۊلەرزەگە لە سەرەتاوە وە هەشت پلە مەزەنە کریا، وەرجە ئەوەگ مەزەنەگە ئاڵشت بکرێد.

دەسە ئەمریکییەگە دیاری کرد، کە زەۊلەرزەگە لە سەعات 17:56 وە وەخت گرینچ تومار کریاگە، و بنکەگەی کەفێدە دویری دە کیلۆمەتر لە ناوچەی بۊچگ پێتالۆزا ئاریبا لە ناوڕاس باشوور پەنەما.

 زەۊلەرزەگە لە قۊلییگ کەم تومار کریا کە رەسێدە 12 کیلۆمەتر، یەیش مانای ئەوەسە کە چەوەڕی کریەێد کاریگەرییەجەی فرە سەخت‌تر بوود.

سیستەم هوشداری ئەمریکی هوشداری دا لەوەگ شایەت شەپۆلەیل تسۆنامی بوەن لە کەناراوەیل کەفتیە خوەرهەڵات زەریای هێمن، کە دریژەو بۊنە لە مەکسیک تا پێرۆ.

دەسەی چەودیاری دیاری کرد کە "شەپۆلەیل رخدار تسۆنامی کە لەی زەۊلەرزە دروس بوون شایەت لە ماوەی سێ سەعات ئایندە رۊ بەیەن" لەو ناوچە، وە هوشدارییداین لە ئەگەر بردن مەردەم ئەرا ناو قۊلایی دەریا یا پانکرانیان لەژیر رمیاگەیل ناو ئاوەگە.