شەفەق نیوز/ وەگورەی هەوالیگ لە ماڵپەر (ئیرانا)، زەۊلەرزەیگ وە تونی 4.8 پلەی رێختەر دەێد لەناوچەی دوبرج سەر وە شار داراب بۊیە مدووی زەخمداری.
حسێن ده‌روێشی وەڕێەوبەر جیوەجیکار کۆمەڵەی مانگ سوور له لێدوانێكی رۆژنامه‌وانی راگەیان، زەۊلەرزەیگ وه تونی 4.8 پله رێخته‌ر له‌ناوچه‌ی جه‌دران سه‌ر وە شار داراب رۊدایە و وه‌لایه‌ن فرەیگ لە دانشتگەیل ئه‌و پارێزگایه و ناوچه‌یل ده‌وروبه‌ری هەسوەپی کریایە.
وتیش، "لەوەر رمیان چەن ماڵیگ، دو كه‌س زەخمداربۊن و تیمه‌یل فریاگوزاری سه‌رقاڵ وەپیری چگن ئەو کەسەیلەن لەوەر زەۊلەرزەگە زەرەد وەپیان رەسیە، زەخمدارەیلەش ئەرا نەخوەشخانە کلکریانە ئەرا وەرگردن چارەسەر".
دیاریکرد، دو تیم كۆمه‌ڵه‌ی مانگ سوور ناودەوڵەتی ئەرا شۊن زەۊلەرزەگە کلکریانە ئەرا قورتارکردن ئه‌و كه‌سەیلە لەژیر ماڵ و باڵاخانەیل گیرکردنە، تا ئیسە وە هۊردی بڕ زەرەدەیل گیانی و ماددییه‌یل نه‌زانریایە.
وەرجەیە وەرپرسەیل ئیران راگەیانۊن، زەۊلەرزەیگ وە تونی 4.8 پله ڕێخته‌ر له شاری داراب وه قۊلی 16 كیلۆمه‌تر لەبان ئاست رۊی زەۊ و وە دۊری 253 كیلۆمه‌تر له شار شیرازی سه‌نته‌ر پارێزگای فارس باشور ئیران رۊدایە.