شەفەق نیوز/ زەۊیلەرزەی تونیگ، ئمڕوو جومعە، جاکارتا پایتەخت ئەندەنوسیا، و هەرێم جاوە لەرزان.
دەزگای رەوانگەی کەشوهەوای ئەندەنوسیا وت: زەۊیلەرزە وە تونی ٦،٧ پلە، دافە وەرانوەر کناراوەیل دوورگەی جاوە، ک هیشت بڕێ لە دانیشتگەیل جاکارتای پایتەخت لە رخ لەرزەگە لە ماڵەیلە دەرچن.
دەزگاگە وتیش: زەۊیلەرزەگە وە دۊری ٥٢ کیلومەتر وەرانوەر هەرێم بانتن وە قۊلی ١٠ کیلومەتر بۊی.
دەزگاگە دیاری کرد ک مەزەنە نییە بوودە تسۆنامی.