شەفەق نیوز/ زەۊیلەرزەیگ وە تونی ٥،٧ پلە لەبان پەیمانەی ریختەر،  شەوەکی ئمڕوو دووشەممە، داگە شار جلکدر سەروە پارێزگای چهارمحال و بەختیاری لە باشوور خوەرئاوای ئیران. 

ناوەند رەوانگەی زەۊیلەرزە لە دامەزراو جیۆفیزیای سەروە زانکۆی تەهران وت: ئی زەۊیلەرزە لە ساعەت شەش و نۆ خولەک شەوەکی ئمڕوو وە وەخت تەهران بۊیخ وە دۊیری ٣٣ کیلومەتر لە شار جلکرد. 

وەگورەی رەوانگەی زەۊیلەرزەی ئیرانی سەنتەر زەۊیلەرزەگە وە قۊلی ١٠ کیلومەتر لە رۊی زەۊی بۊی، وە دۊیری ١٠٢ کیلومەتر لە شار شهرکرد ناوەند پارێزگای چهارمحال و بەختیاری ون١٥٨ کیلومەتر لە شار ئەهواز ناوەند پارێزگای خوزستان لە باشوور ئیران. 

هەر لیوا، و هۊیچ میدیایگ راگەیانن ناوخۆیی یا جیهانی لە راپۆرتەیلیان تا ئیسە باس قوربای و زەرەدەیل دارایی لەی زەۊیلەرزە نەکردنە.