شەفەق نیوز/ سەنتەر پزیشک زانکۆی بالتیمۆر راگەیان، پزیشکەیل نەشتەرگەری دڵ وەرازیگ نانەسە ناو لەش پیاییگ کە وەدەس بیماری دڵ ناڵێد و هویچ ئومیدیگ ئەرای نەمەنیە.
رووژنامەی نیویۆرک تایمز ئەمریکی بڵاو کرد کە یە دویەم نەشتەرگەری بویە لەی جویرە، دویای ئەوەگ یەکەم بیمار وەناو دەیڤید بێنت (57 ساڵ) دویای دوو مانگ لە چنین دڵەگە گیانی لەدەسدا، بەڵام دڵ وەرازەگە خاس کار کەێد و هویچ نیشانەیگ نەویە کە لەش پیاوەگە ئەو دڵ نووە نەتواستیە. سەنتەرەگە لە بەیاننامەیگ وتیە: دویەم بیمارەگە ناوی لۆڕێنس فاوسێتە (تەمەن ٥٨ ساڵ)، سەربازیگ وەرین هیز دەریایی ئەمریکایە، خیزاندارە و باوگ دوو مناڵە، وتیش: چوارشەممەی گوزەشتە دڵ وەراز ئەرای دانریاس، و وەرەو خاسی چوود و پەیوەندی وەرد دووسەیلی دیرێد.