شەفەق نيوز/ مەسعود پزیشکیان سەرۆک ئیران، ئمڕوو جمعە، دووپات کرد کە تەنیا رییگ ئەرا کۆتایی جەنگ خوەی وسیان بیمەرج دوژمنایەتیی ئیسرائیلە.

پزیشکیان لە قسەیلی کە ئاژانس شەفەق نیوز چەودیاریی کرد وت: تەهران ئەوسا و ئیسە هەر ئاشتی و ئارامی لە ناوچەگە خوازیە، وەلێ وە دەس بەسیای لە وەرانوەر پەلامارەیل نیەوسێد.

وتیش: ئەوەسا وەڵامەیل ئیمە وەبان دوژمن سەختترەو بوود، و هیلێد لەبان کردەوەیلی پەشیمانەو بوود، دووارە دووپات کرد کە هەر هەڵمەتیگ ئەرا ئاگربەسی بایەسە وە وسیان کوتپڕ و بیمەرج ئۆپراسیۆنەیل سەربازی وەبان ئیران دەسوەپی بکەێد.

وەرجەیە، عەباس عراقچی وەزیر دەیشت ئیران دووپات کرد کە وڵاتەگەی وەگەرد هیچ کەسیگ لە سای وەردەوامی پەلامارەیل ئیسرائیل قسیە نیەکەێد.