شەفەق نیوز- خوەرهەڵات ناوڕاس

‏وەزارەت وەرگری قەتەر، ئمڕوو یەکشەممە راگەیان  وڵاتەگە کەفتەسە وەر پەلامار چەن درۆنیگ.

‏ وەزارەتەگە دووپات کرد، هێزە چەکدارەیل توەنستنە گشت درۆنەیل بشکنن، بی ئەوە هیچ زەخمداریگ توومار بکرێد.

‏لە وەرانوەر ئەوەیش، سوپای کوەیت راگەیان لە ماوەی 24 ساعەت گوزەیشتە، 14 مووشەک باڵستیک و 12 درۆن دوژمنکارانە دەسنیشان کردنە کە ئاسمان کوەیت رەدکردنە.

‏سوپای کوەیت دیاری کرد: "لە ئەنجام پەلامار درۆن ئەرا بان یەکیگ لە سەربازگەیل، 10 ئەندام هێزە چەکدارەیل زەخمداربوین، بیجگە پەلامارەگە زەرەد مادییش وە شوون خوەی وەجی هیشت".

‏لە هەمان وەخت، سوپای کوەیت ئاشکرای کرد  ئەمارەیل کۆمپانیایگ کەرت تایبەت لۆجیستی کەفتنەسە وەر پەلامار و زەرەد مادی وەپیان رەسییە، بی ئەوە وردەکاری زیاتر بڵاو بکەێد.