شەفەق نیوز/ ئاژانس "فارس" ئیرانی، ئمڕوو پەنجشەممە، خەوەردا ک فڕۆکەیگ وەزیر وەرزشی ئیرانی لەناوی بویە، مەوقەی نیشتنەوەی لە شار بافت، کەفتە خوار، و بویە هوکار کوشیان راویژکارەگەی، و زەخمداری ١٤ کەس لەناو فڕۆکەگە.
ئەو رویداوە لە پارێزگای کرمان، بویە هوکار کوشیان ئیسماعیل ئەحمەدی راویژکار وەزیرەگە.
وەچەودیەیلیگ وتن: وەزیر وەرزشی تەندروسیی خاسە، وبربا خەسەخانە ئەرا چارەکردنی لە زەخمەیل سووکیگ.
وەگورەی قسەی ئاژانسەگە، ١٤ کەس لەناو فڕۆکەگە وەگەرد کاپتن فڕۆکەگە و یاوەرەگەی وەگەرد کەفتن فڕۆکەگە بریانە خەسەخانە.