شەفەق نیوز- دیمەشق

کەسیگ، ئمڕوو شەممە، زەخمدار بۊ، لە ئەنجام پەلاماریگ وە فرۆکەیگ بیفڕۆکەوان ئیسرائیلی، لە ناوچەی عەین لە کێڵگەی بەیت جن لە باشوور خوەرئاوای سووریا.

 پەیامنێر ئاژانس شەفەق نیوز، وت کە درۆنیگ لە ناوچەگە ماشینیگ کردە ئامانج، کە بۊیە مدوو زەخمداربۊن کەسەگە، بی زانستن ناسنامەی یا سروشت زەخمەگەی تا ئیسە.

 کێڵگەی بەیت جن نزیکەی 35 کیلۆمەتر لە دیمەشقەو دۊرە، وەرەو باشوور خوەرئاوا، لە نزیک سنوورەیل وەگەرد جۆلان داگیرکریاگ سووری.

 رۊداوەگە لە سای وەردەوامبۊن پەلامارەیل ئیسرائیل لەناو زەۊەیل سووریا تیەێد، کە ئیسرائیل ئۊشێد گوایە شوینەیل یا جۊلەیل پەیوەندیدار وە لایەنە چەکدارەیل کەێدە ئامانج، لە وەختیگ دیمەشق ئی پەلامارەیلە وە دەسدرویژی ئەرا سەروەریی و بیوەیی زەۊەیلی هەژمار کەێد.