شەفەق نیوز- خوەرهەڵات ناوڕاس

توڕ "NBC News" ئەمریکی، رووژ دووشەممە، خەوەردا کە 8 لە ئەندامەیل پیادەی هێز دەریایی "مارینز" وەرجە دوو هەفتە زەخمدار بۊنە، لە ئەنجام پەلاماریگ وە مووشەک کروز ئیرانی کە کەشتییگ کردە ئامانج کە لەبانی کار کردن لە ناو گەروو هورمز.

 وەرپرسەیل ئەمریکی لە قسەیلیان ئەرا توڕەگە دیاری کردن، کە "زەخمەیل سەخت نەۊنە، وەلی ئەندامەیل لە هەڵمژین دۊکەڵ و لە زەخمداربۊنەیل لە مێشک ناڕەحەت بۊنە؛ چۊنکە نیشانەیل لەرزین مێشک لەبانیان دەرکەفتیە، جۊر سەرژان".

 وەرپرسەیل دیاری کردن کە ئەندامەیل پیادەی هێز دەریایی کە تۊش زەخمداربۊن لە پەلامارەگە هاتنە 7 سەرباز و یەک ئەفسەرن، و گشتیان گلەو خواردنە ئەرا خزمەت دۊای ماوەیگ کوڵ لە پەلامارەگە کە لە رووژ 14 ئەیلول/ سێپتەمبەر ئیسە رۊ دا.

 وەپەی وەرپرسەیل، ئی ئەندامەیلە لەناو "تیم داوەزین کەتیبە" (Battalion Landing Team) کار کردن ماوەی رۊداین پەلامار ئیرانییەگە وە مووشەکەیل "کروز" دژ وە کەشتییەیل.

 وەپەی وەرپرسەیل، ئەندامەیل پیادەی هێز دەریایی (مارینز) لەبان کەشتییگ سەر وە هێز دەریایی ئەمریکی نەۊنە؛ کە وەرپرسەیل رەت کردن جۊر کەشتییەگە دیاری بکەن، و تەنیا وە دیاریکردنی چۊ "پارچەیگ دەریایی" رازی بۊن.