شەفەق نيوز/ میدیایەیل ئەمریکی، ئمڕوو دووشەممە، ئاشکرای توومارکردن رویداویگ ئەمنی لە شار ليتل ريیڤەرلە ویلایەت ساوت كارۆلينا کردن، لە ئەنجام تەقەکردن خەسیگ بویە هوکار زەخمداری 11 کەس لەلای کەمەو.
وەگورەی تووڕ "ئەی بی سی"، لە سەرچەوەیلیگ پولیس، تیمەیل فریاکەفتن و پولیس روی وەرەو شوین رویداوەگە کردن، کە دەیان ماشین ئەمنی دەورگرد ئەو جادەی نیشتەجییوینڵ نزیک ری ئاوی ناوخوەیی گردن، کە بڕیگ کۆمپانیایل بەلەم لەو شوینە هەس.
لە وەختیگ بڕیگ لە زەخمدارەیل وە ماشینەیل فریاکەفتن هەڵگریان، پولیس ئاگاداری لە رەسین زەخمداریلیگ ترەک ئەرا خەسەخانەیل کرد وە ماشینەیل تایبەت، کە رخداری لە ئەگەر قوربانیەیلیگ ترەک دروس کەێد کە هیمان شمارەیان ئاشکرا نەکریاس.
پولیس کەرت هوری تا ئیسە هویچ زانیارییگ لەبان ناسنامەی تەقەکەرەیل یا شیوەی رویداوەگە ئاشکرا نەکردگە، لە وەختیگ هیمان رویداوەگە نادیارە، و لێکۆڵینەوە وەردەوامە وەگەرد ئامادەباشی لە ناوچەگە.