شەفەق نیوز/ دەسەڵات کەنەدا، ئمڕوو شەممە، خەوەردا کە 11 کەس تویش زەخمداری گولە هاتن، لە ئەنجام پەلاماریگ کە دویەشەو جمعە لە نزیک شار تۆرنتۆ رویدا.

پولیس تۆرنتۆ وت: لێکۆڵینەوە کەێد لە تەقەکردن شەو جمعە لەناو مەیخانەیگ لە شار سكاربورو، لەشان تۆرنتۆ، کە بڕیگ کەس زەخمدار بوین، وتیش: تەقەکەرەگە هیمان ئازادە.

تیمەیل فریاکەفتن وتن: 11 کەس تویش زەخمەیل سووک تا قویلیگ هاتنە.

لە ساعەت 10:40 شەو وە وەخت تۆرنتۆ، (6:40 شەوەکی لە بەغداد) ئاگادار پولیس وە رویداوەگە کریا.