شەفەق نیوز/ دەسەڵاتەیل کۆمار مالی، ئمڕوو جمعە، راگەیانن کە ئەو پەلامارەیل تیرۆریە وەلایەن ریخریاگ قاعیدە، زیاتر لە ٧٠ کەس کوشت و سەدان کەسیش زەخمدار کرد.

 باماکۆی پایتەختر لەی هەفتە پەلاماریگ وەلایەن ریخریاگ قاعیدە وەخوەی دی، کە بویە هوکار کوشیان دەیان کەس.

یەیش لە وەختیگ تیەێد کە حکومەت سەربازی دووپات لە خاسەوبوین رەوشەیل تیەێد دویای دەرکردن هیزەیل بیگانە و پشتبەسین وە رووسیا، وەلێ ئی پەلامار سەختیەیل ئەمنی وەردەوام نشان دەن، وەگورەی ئاژانس رۆیتەرز.

پەلاماریگ وەلایەن ریخریاگ قاعیدە لە باماکۆی پایتەخت مالی رەسیە کوشیان زیاتر لە ٧٠ کەس، وەگورەی سەرچەوەیلیگ دیبلۆماسی.

ئەو پەلامارە کە ئەکادیمیای پولیس و فڕۆکەخانە کردە ئامانج، وە تونترین پەلامار لەناو شارەکە لەی ماوەی دویاییە دریەێدە قەڵەم.

پەلامارەگە رووژ سێشەممە بوی، و سەختی کەوریگ خشتە نوای رەوش ئەمنی لە مالی، وەتایبەت کە تا رادەی گەورەیگ دویر لەیجویرە پەلاماریگ بوی.

یەیش لە وەختیگ تیەێد کە حکومەت سەربازی پرۆپاگەندە ئەرا خاسەوبوین رەوشەیل ئەمنی تیەێد دویای دەرکردن هیزەیل فەڕەنسا و ئەمریکا و پشتبەسین وە رووسیا. 

دوو دیبلۆماسیزان لە ناوچەگە دووپات کردن کە شمارەی کوشیاگەیل لە ٧٠ کەس زیاترە، لە وەختیگ سەرچەوەیلیگ ترەک وتن: خەسەخانەیل توانای وەرگردن زەخمدارەیل زیاتر نەیرن.

کۆمەڵەی "نصرة الإسلام والمسلمين"، سەروە ریخریاگ قاعیدە وەرپرسایەتی خوەی لەو پەلامارە ئاشکرا کرد، لە وەختیگ ئەنجومەن سەربازی لە مالی رەسین زەرەدەیل راگەیان وەبی پیشکەشکردن زانیاریەیل هویرد لە شمارەی قوربانیەیل و شیوەی پەلامارەگە.