شەفەق نيوز- واشنتۆن
ئاژانس "ئەسوشيتد پرێس"، خەوەردا کە زیاتر لە 20 ویلایەت ئەمریکی سکاڵای دادوەری لەبان دۆناڵد ترەمپ سەرۆک ئەمریکا توومار کردنە، دیاری کرد کە ئەو سکاڵایلە لەوەر ئەو هاتن کە ترەمپ بڕە پویلەیلیگ رەسێدە ملیارا دۆلار وسانیە کە ئەرا بەرنامەیل دویای خوەنەواری و بەرنامەیل تاوسانیگ مناڵەیل دیاری کریاوێن.
دیاری کرد کە کۆنگرێس ئەو پویلەیلە دیاری کرد ئەرا پاڵپشتیکردن ئەکادیمی و دەوڵەمەنکردن و چەودیاریکردن مناڵەیل ئەو خیزانەیلە کەم داهاتە، وەلێ ئیدارەی ترەمپ لەی دویاییە سپۆنسەرکردن ئەو پویلەیلە وسان.
ئیوارەی دویەکە، زیاتر لە 20 ویلایەت، و سەرپەرشتی دیموکراتیەیل، سکاڵای دادوەری لەبان ئیدارەی ترەمپ بەرزەو کردن تا ناچاری بکەن ئەو پویلەیلە مەرەقەز بکەێد، و لەناو ئەو سکاڵا کە و سەرکردایەتی کالیفۆرنیا بەرزەو کریا نویسیاس وسانن پویل دەستووری و بڕیگ یاسای فیدڕاڵی شکنێد.
بڕیگ لەو خیزانەیل کەم داهاتە دی نیەتوەنن بڕەسنە بەرنامەیل دویای خوەنەواری ئەگەر وەی نزیکەی ئەو پویلەیلە مەرەقەز نەکەن، وەگورەی قسەی ناو ئەو سکاڵا.