شەفەق نیوز/ ناوەند کۆنترۆڵکردن بیماری و خوەیپاراستن ئەمریکی، ئمڕوو جومعە، راگەیان زیاتر لە 13 هەزار و 500 تویشهاتن وە ئاوڵەی مەیمون لە وڵاتەگە توومارکریایە.

ناوەندەگە لە بەیاننامیگ ئاشکەرایکرد، " لەمەوقەی پەیابوین ڤایرۆسەگەو ئەی شمارە لە 49 ولایەت توومارکریایە".

لەی مانگ ئابە، حکومەت ئەمریکا راگەیان ئاوڵەی مەیمون "بارودۆخ لەناکاویگە ئەرا تەندروسی گشتی"، لە دویای زیایبوین گەپیگ لە شمارەی تویشهاتن وە ڤایرۆسەگە.

ئەی راگەیاندنە بوودە هوکاریگ ئەرا خێرا بەشەوکردن ڤاکسین و پیشکەشکردن چارەسەر و دابینکردن دەرمانەیل فیدرالی،  ئەرا سنووردارکردن ئاوڵەی مەیمون لە وڵاتە یەکگرتگەیل.

ولایەت نیویۆرک جویر پێشەنگ تویشهاتن وە ڤایرۆس ئاوڵەی مەیمون تێد لە دویای ئەوەش ولایەتەیل کالیفۆرنیا و ئیلینوی تێد.

ئەرا یەکەم جار ناو ئاوڵەی مەیمون لە ساڵ 1958 دەرکەفت، هەنای دوو تویشهاتن وە بیماریگ لە شیوەی ئاوڵە رویدا لەو مەیمونەیلە ئەرالێکۆڵینەوە لە دانیمارگ پارێزرابوین.