شەفەق نیوز - هەولێر

نرخەیل نەفت، ئمڕوو جمعە، بەرزەو بۊن و وەرەو ئەوە چن هەفتەگە لەبان ئاست سەد دۆلار ئەرا بەرمیلێگ کووتایی پێ بارن ئەرا یەکەمین جار لە ناوڕاس ئایار/ مایۆەو، کە پەلامارە زیایبۊەیل لەبان رێگەیل سەرەکی بارکردن لە خوەرەڵات ناوڕاس رخەیل لە رۊیداین شیویانەیل دریژخایەن لە دابینکردنەیل زیاتر کەن.

 گرێبەسە ئایەندەییەیل ئەرا خاو برێنت 1.05 دۆلار یا وە یەک لە سەد بەرزەو بۊن ئەرا 108.68 دۆلار ئەرا بەرمیلیگ، و خاو خوەرئاوای تەکساس ناوەنجی ئەمریکی 95 سەنت یا وە یەک لە سەد هەمیش بەرزەو بۊ ئەرا 103.45 دۆلار ئەرا بەرمیلیگ، و هەردوگ نیشاندەرەگە وە زیاتر لە شەش لە سەد دۊکە پەنجشەممە بەرزەو بۊن.

 لە بنەمای هەفتانە، نرخەیل وە نزیکەی 13 لە سەد بەرزەو بۊن لە گەوراترین بەرزەوبۊن لەو هەفتە کە لە 17 تەموز کووتایی هاتگە.

 حووسییەیل هاوپەیمان وەگەرد ئیران، دۊکە پەنجشەممە، کۆنتڕۆڵ کردنە بان بەندەر موخای یەمەنی، ئەوەیش هەڕەشەیگ زیایی دروس کەێد ئەرا جۊلەی دەریاوانی لە دەریای سوور، لە وەختیگ جۊلەی دەریاوانی لەڕی گەروو هورمزەو کەمەو بویە لە سای تونبۊن پەلامارەیل لەبان کەشتییە هەڵگرەیل نەفت لە ناوچەگە ماوەی رووژەیل گوزەشتە.

 شیکارەوانەیل ئۊشن کە ئەو پەلامارەیلە کە لە یەمەنەو کریانە بان دامەزراوەیل وزەی سعودیە ئاڵووزییگ دروس کردنە کە سنوورەیل ئیران و گەروو هورمز رەد کردگە، و رخەیل لە رۊداین شیویانەیل دریژماوە لە ناوچەگە وەگشتی جویلاننە.

 سەرۆک ئەمریکی دۆناڵد ترەمپ هوشداری دا لەوە کە ویلایەتە یەکگرتگەیل شایەت پیکاكس ماونتێن لە ئیران کە کەفێدە نزیک دامەزراوەی نەتەنز ئەرا پیتاندن یۆرانیۆم کە رۊوەڕۊ زەرەدەیل گەورایگ بۊە پەلامار بەێد، و مەزەنەی کووتاییهاتن جەنگەگە کرد دۊای هەڵوژاردنەیل نووەوکردن نیمەیی لە تشرین دۊەم/ نۆڤەمبەر.

 تۆنی سیکامۆر شیکارەوان لەلای ئای.جی وت "وەگەرد زیایبۊن رۊیداوەیل و نیشانداین ئامادەیی ئیران ئەرا فراوانکردن بازنەی ئی ململانێیە و دریژەوکردن ماوەگەی چەنیگ بپەڕێد، ئەگەر ئەوە زیاتر بوود کە خاو خوەرئاوای تەکساس ناوەنجی و تاقیکردن بەرزترین ئاست ئەرا خوەی لەلای 119.48 دۆلار بکەێد کە لە سەرەتایەیل ئازار/ مارس توماری کردۊد".

 ئیران راگەیان کە رووژ چوارشەممە پەلامار دە کەشتی لە نزیک گەرووەگە داگە، دۊای ئەوەگ ویلایەتە یەکگرتگەیل گورز لە پەنج کەشتی هەڵگر نەفت ئیرانی دان. و سوپای پاسداران ئیسلامی ئیرانی راگەیان کە وەڵام خوەی لەبان هەر پەلامارەیل نوویگ تونترەو کەێد.

و خزمەتگوزاری جاز بادی ئەرا وەدۊاکەفتن نرخەیل سزەمەنی خەوەردا کە ناوەنجی نرخ دیزڵ لەبان ئاست نیشتمانی لە ویلایەتە یەکگرتگەیل دۊکە پەنجشەممە شەش دۆلار ئەرا گالۆنیگ رەد کردگە ئەرا یەکەمین جار لە میژوو خوەی، ئەوەیش لە سای کەمەوبۊن دابینکردنەیل وە مدوو جەنگ ئەمریکی ئیسرائیلی لەبان ئیران و پەلامارەیل ئۆکرانی لەبان پاڵاوگەیل رووسیا.

و رێکخراو ئۆپێک مەزەنەیلی ئەرا گەشەی داواکاری جەهانی لەبان نەفت لە ساڵ 2026 وەرەو 380 هەزار بەرمیل رووژانە داوەزان، وەپای چاپیک لە راپۆرتە مانگانەی، لە پەنجەمین ئاڵشتکاری لەبان یەک ئەرا داوەزین. و رووپێویگ ئەرا رۆیتەرز نیشان دا کە بەرهەمهاوردن ئۆپێک لە نەفت 640 هەزار بەرمیل رووژانە لە ئاب کەم کردگە.