شەفەق نیوز/ ریخریاگ دەوڵەت ئیسلامی، دویەشەو جمعه، وەرپرسایەتی خوەی لەو پەلامارە راگەیان کە هۆلیگ ئاهەنگ مۆسیقا نزیک مۆسکۆ کردە ئامانج، ئەوەیش لەبان ماڵپەڕیگ هن خوەی لە تیلیگرام.
ئاژانس (اعماق) لە زوان سەرچەوەیگ ئەمنی وت: جەنگاوەرەیل دەوڵەت ئیسلامی پەلامار گردەوبوین گەورەیگ مەسیحیەیل دان لە شار کراسنوجۆرسک لە دەورگرد مۆسکۆی پایتەخت رووسیا و کوشتار و زەخمداری و ویرانی گەورەیگ هیشتنە جی.
شەو جمعه، ٤٠ کەس لەلای کەمەو گیانیان لەدەسدان و ١٠٠ کەسیش زەخمدار بوین، لە ئەنجام تەقەکردن لەناو هۆڵ ئاهەنگ مۆسیقا لەناو مۆڵیگ بازرگانی لە مۆسکۆی پایتەخت رووسیا.