شه‌فه‌ق نيوز/ رووژنامه‌ێ ده‌يلى تليگراف باوه‌تيگ بڵاو كرد له‌ژير ناونيشان" تا موسڵمانه‌يل فكره‌ێ خه‌لافه‌ت ره‌ته‌و نه‌كه‌ن ترۆر ناوسيه‌ێده‌و".
نويسه‌ر ئه‌و باوه‌ته وتگه: په‌لاماره‌يل له ئسپانيا ناگونجيه‌يد وه‌ل ئه‌و فكره ك سياسه‌ت خارجيمان هووكارن له په‌يابوين ئسلام تونڕه‌و، سياسه‌تمان ئسپات ئه‌وه ئه‌كا ك تواناێ وساننه‌وه‌ێ ترۆر نه‌يريم ته‌نيا وه هه‌لسووكه‌فتمان.
نويسه‌ر وتگه: هه‌ڵه‌ێ ئسپانيا چه بوێ و ئه‌را چه تونڕه‌وه‌يل ئسلامێ شماره‌يگ بيتاوان گرتنه ئامانج؟ ك يه‌يش پرسياره‌يليگه خوه‌راوايه‌يل ئه‌كه‌نه‌ێ له خوه‌يان له شوون په‌لاماره‌يل به‌رشلۆنه.
جى باسه، نويسه‌ره‌گه باس له‌وه‌يش كردگه ك ئسپانيا له ئه‌قليه‌ت بڕيگ له موسڵمانه‌يل ئسپانيا نيه، به‌ڵكوو ئه‌و ئه‌ندلوسه‌سه ك به‌شيگ بويه له ئمپراتۆريه‌ت ئسلامى و هه‌ر وه خاتريشه ئسپانياێ ئمڕوو جوور خاكيگ داگيركرياێ تماشاێ ئه‌كريه‌ێد و له ديد ئه‌وان بايه‌سه ئازاد بكريه‌ێد.