شه‌فه‌ق نيوز/ رووژنامه‌ى غارديان باوه‌تيگ دافيد غرابه‌ر مامۆستاێ زانست مرۆيى بڵاو كرد ك پرسيار ئه‌و هووكاره كردگه ك بويه‌سه هووكار پاڵناين سه‌ركرده‌يل جه‌هان خوه‌رئاوا ئه‌را پشتگيرى له په‌لامار توركى ئه‌را بان عه‌فرين ك ها ژير ده‌سڵات هيزه‌يل كورد.
غرابه‌ر باوه‌ڕێ ئه‌وه‌سه ك روى وه‌ڕوێ بوينه‌وه له عه‌فرين كه‌فته‌سه ناونى لايه‌ن خێر و لايه‌ن شه‌ڕ ك ئه‌ويش لايه‌ن ده‌سدريژى توركيه‌و باس له‌وه كرد ك لايه‌ن توركى وه‌و جووره قه‌ناعه‌ت وه جه‌هان خوه‌رئاوايى و راى گشتى كردنه ك گوايا جه‌نگ دژ تيرۆريسته‌يل ئه‌كه‌ن.
غرابه‌ر هه‌ميش وت: له‌وه‌ر ئى هووكاره سه‌ركرده‌يل خوه‌رئاوا بيده‌نگى نيشاندان وه‌رانوه‌ر هه‌وڵه‌يل توركيا ك ئيسه جه‌نگ له‌بان كورده‌يل فه‌رز كردنه له باكوور سوريا.
جى باسه، غرابه‌ر وت يه‌كه‌يل پاسه‌وان ملله‌ت كورد ك ده‌سڵات له‌بان عه‌فرين ديرن روى وه‌ڕوێ چه‌كداره‌يل ريكخرياگ ترۆريستى داعش بويه‌نه‌و له سوريا و ئاماژه وه‌يه‌يش كرد ك مكوڕ بوى له وه‌رده‌وامى جه‌نگ تا شار ڕقه‌يش له داعش پاكه‌و ئه‌كا ك يه‌يش له‌يوا كرد شماره‌يگ كوشياگ و زه‌خمدار له‌لى بكه‌فێده‌و.