فرانس پرێس باس ژنەفتن رممەی ٧ تەقینەوە لەلای کەمەو شەوەکی دووشەممە لە کیێڤ کرد، لە سای بەشداریکردن لە ئاست وڵاتەگە لە پولامارەیل ئاسمانی رووسیا.
کەناڵەیل تیلیگرام باس تەقینەوە لە بەشەیلیگ ترەک لە وڵاتەگە کردن، لەناویان شار لوتسک، باکوور خوەرئاوای وڵاتەگە، کە وەرپرسەیل باس زەرەد وە بینایگ نیشتەجییوین کردن.
شەوەکی زوی ئمڕوو، سوپای ئۆکرانیا وت: رووسیا وە فڕۆکەی بێفڕۆکەوان پەلامار کیێڤ داگە، و هویچ زەرەک زخمداری لەلی نەکەفتەو.
لەلای خوەییش: وەرگری رووسیا راگەیان کە سیستەم وەرگری ئاسمانی نواگیری ٢٠ درۆن ئۆکرانی لەبان چەن ناوچەیگ رووسی کردیە و خستیەسە خوارەو.
وەزارەت وەرگری رووسیا لە بەیاننامەیگ وت: دویەشەو رژیم کیێڤ تەقەلا دا پەلاماریگ تیرۆری جیوەجی بکەێد وە فڕۆکەیل بیفرۆکەوان لەبان شوینەیلیگ لە رووسیا، و ٢٠ فرۆکەی بێفڕۆکەوان ئۆکرانی ویران کریا.
وەزارەتەگە دیاری کرد کە سیستەم وەرگری ئاسمانی ٩ درۆن لەبان ناوچەی ساراتۆف خست، و سێیان لەبان کۆرسک، و شەش لەبان ناوچەیل بیلگورود و بریانسک و تولا، ئیجا دووان لەبان ناوچەیل ئۆوریول و ریازان.