شەفەق نیوز/ وەزارەت وەرگری رووسیا، ئمڕوو یەکشەممە، وەخوارخستن ٣٦ فڕۆکەی بێفڕۆکەوان ئۆکرانی راگەیان کە دویەشەو ئەرا ناوچەیلیگ لە باشوور خوەرئاوای وڵاتەگە وەشانیە.
وەزارەتەگە لە بەیاننامەیگ لەبان ئەپلیکەیشن تیلیگرام وت: وەرگری ئاسمانی ١٥ درۆن لەبان ناوچەیل کورسک ویران کرد، و ٩ درۆن لەبان ناوچەی لیبیتسک کە چەن کلیۆمەتریگ وەرەو باشوور مۆسکۆ دویرە.
وتیش: وەرگری ئاسمانی ٤ فرۆکە لەبان ناوچەی فورونیج و ٤ فڕۆکە لەبان ناوچەی بریانسک، و دوو فڕۆکە لەبان ئوریۆل و دووانیش لەبان بیلگورود ویران کرد.