شەفەق نیوز/ دامودەزگایەیل راگەیانن رووسیا، ئمڕوو سێشەممە، ئاشکەرایکردن، دەزگای ئەمن فیدڕاڵی رووسیا ژنیگ خاوەن رەگەزنامەی روسی و ئەمریکی دەسگیر کرد لە شا یکاتیریانبۆرغ کە کەفێدە کویەی ئۆراڵ وە مدوو خیانەت کردن جەمەوکردن پویل ئەرا سوپای ئۆکرانی.
وەپای ئاژانس تاس روسی، دەزگای ئەمن فیدراڵی وت ژنەگە 33 ساڵان دانشتگ شار لوس ئەنجلوس ئەمریکاس پویل جەمەوکردیە لە بەرژەوەنی رێکخریاییگ ئۆکرانی کە لە کۆتایی سوپای ئۆکرانیا لەلی سوودمەن بوود.
تاس لە زوانی دەزگای ئەمن فیدڕاڵی وت: " "دەزگایەیل ئەمن فیدڕاڵی لە یکاتیریانبۆرغ چالاکی نایاسایگ پویچەوکردنە کە ژنیگ 33 ساڵان دانشتگ لوس ئەنجلوس ئەنجامیدایە کە خاوەن هەردوگ ناسنامەی رووسی و ئەمریکیە".
ئاژانسەگە ناو ژنەگە دیاری نەکردیە.