شەفەق نیوز/ وەزارەت دەرەوەی رووسیا داوا لە وڵاتەیل ئەندام لە ریخریاگ یەکێتی ئەوروپا و هاوپەیمان ناتۆ کرد دەس لە پڕ چەک کردن ئۆکرانیا هەڵبگرن. 

ماریا زاخارۆڤا قسەکەر وەزارەت لە بەیاننامیگ راگەیان "دابینکردن چەک ئەرا ئۆکرانیا ئاسمان ناودەوڵەتی خەێدە وەر رخ ". 

رووسیا تەواو نیگەران بۊە لە رۆکێت دژ وە فڕۆکە لە جۊر ستینگەر، ک وڵاتەیل ئەوروپا وە هێزەیل ئۆکرانیا دانە و تاڕادەیەک باڵانس جەنگەگە ئاڵشتبۊیە، ئەرا ئەوەیش وەزارەت دەرەوەی رووسیا نیگەرانی خوەی نشان دەێد و دیاریکەێد؛ ئەوان نیگەرانن لەوەی دۊاجار ئەو رۆکێتەیلە بکەفنە وەر  دەس گرووپەیل تیرۆریستی، یەیش بوودە هەڕەشە لەبان تەواو کۆمپانیایەیل فڕۆکەوانی.

هەفتەی گوزەشتە حکومەت هۆڵەندا بڕیار کلکردن 200 رۆکێت ستینگەری دژ وە فڕۆکە دا ئەرا هێزەیل ئۆکرانیا.