شەفەق نيوز- مۆسكۆ 

دەسەڵاتەیل رووس، ئمڕوو جمعە، راگەیانن کە تەقینەوەیگ لەناو بینایگ نیشتەجیبوین 10 قاتی لە شار ساراتۆڤ، بویە هوکار کەفتن شمارەیگ قوربانی.

وتنیش: تەقینەوەگە لە کەرت ساراتۆڤ بویە هوکار رمیان یەکیگ وەتەواوی لە بیناگە، و بەشەیلیگ ترەک لە بیناگە ناوەین قات هەفتەم و دەهەم ویرانی گەورەیگ وەپی رەسیە.

فریاکەفتن گشتی دووپات کرد کە کە سێ کەس لە رویداوەگە مردنە، و سەرچەوەیلیگ لە رزگارکردن یاسا باس کردن کە هاتێ کەسەیلیگ هەن لە ژیر رمیاگەیل گیر خواردنە.

شمارەیگیش لە کەسەیلە کە لە نزیک بیناگە بوین مەوقەی تەقینەوەگە زەخمدار بوین، کە پارچەیل رمیانەگە کەفتە بانیان.

 دەسەڵاتەیل مەزەنە کەن تەقینەوەگە لە ئەنجام نزەکردن گاز بویە.

چووڵکردن ئەو بینا لە دانیشتگەیلی لەوەر رخباری رمیانیگ زیاتر وەردەوامە.